Тэма дзявятага выпуску «Святога нічога» — беларускі стыль. Чым мы адметныя ў выбары адзення? Як жаданне не вылучацца змагаецца з жаданнем набыць нешта незвычайнае? Як спалучаць традыцыйныя элементы адзення з сучаснымі? Калі мужчыны зноў пачнуць насіць сукенкі?
Госці — рамесніца Воля Этыка і персанальная стылістка Дар’я Бусел.
Тэма восьмага выпуску «Святога нічога» — задавальненне, сорам і «кіно для дарослых». Чым шкоднае мэйнстрымнае порна? Якія блытаныя эмоцыі мы адчуваем падчас яго прагляду? Чаму беларускае грамадства абыходзіць абмеркаванне «няёмкіх» тэмаў? Дзе шукаць відэа, якое не дратуе, а дапамагае даследваць сябе?
Госця — Саша, рэжысёрка, арганізатарка кінафестваляў, на якіх можна пабачыць фемінісцкае квір-порна.
Надышоў час абмеркаваць жаноцкасць і мужчынскасць. Госці сёмага выпуску «Святога нічога» — стваральні:цы шоу пра адносіны і сэкс «Полчаса кардио»: Аня Пярова і Макс Паршута.
Амаль гадзіну Аня, Макс і Маша разважаюць пра тое, «из чего же сделаны наши мальчишки и девчонки», — і прыходзяць да парадаксальных высноваў.
«Полчаса кардио»
https://www.youtube.com/@polchasakardio/
«Максимально»
https://www.youtube.com/@maksimalno
Госці шостага выпуску «Святога нічога» — арганізатар_кі квір-вечарын, удзельні_цы каманды Keep Minsk Weird, музыкі Арцём Ставер Uhead і Альберт Ліцвін ScvrlΞ††.
Пра што выпуск? Пра беларускую школу жыцця: дыскатэкі на вёсцы, у школе і ў войску (!). Пра менскія тусы, на якіх можна было быць сабой і знаходзіць блізкіх па каштоўнасцях людзей. Пра рэйвы ў незвычайных месцах. Пра закуліссе, болькі і радасці клубнага варушняка.
Складанка Belarus Outside Sound System https://www.youtube.com/watch?v=NUQo8SoTGIU&list=PLkjorCbpmrbu6YOY-ySb72pPElwkHe8gJ
@https://www.instagram.com/scvrlettonair/
@https://www.instagram.com/oh_uhead/
@https://www.instagram.com/keepminskweird/
Да Дня роднай мовы ў падкаст «Святога нічога» завіталі Голя з Ополя і Уладзь з праекта «Забі зяпу». Рабяты займаюцца прасоўваннем жывой беларускай гаворкі ў сваіх блогах. Атрымалася насычаная размова пра тое, як мы карыстаемся мовай (і якой?), чым яна нас здзіўляе і навошта не забывацца на бабуліны словы.
https://docs.google.com/spreadsheets/d/1J36UfkQniFGSWPTr_xTP9Wf2KSCKzxnbbZpFnbn_skc/edit#gid=0
Чацвёрты выпуск «Святога нічога» прысвечаны дэйтынгу. Госця – «серыйная дэйтарка» Лера, у якой за 4,5 гады было больш за 50 спатканняў.
Што можа хавацца за апаланічнымі фоткамі? Хто плаціць за каву? Ці ок, калі ад цябе патрабуюць даведку ад венеролага? Ці варта даваць шанец чалавеку радыкальна іншых каштоўнасцей? Чым адрозніваецца дэйтынг з беларусамі і іншаземцамі?
Трэці эпізод «Святога нічога» прысвечаны шлюбу і вяселлю. Каго абараняе шлюб у тым выглядзе, у якім ён існуе ў Беларусі? Ці варта заключаць шлюбную дамову? Што мяняе паход у ЗАГС? Ці можна шчыра кайфануць на сямейных вясельных тусоўках?
Вядучая — журналістка Маша Пархімчык. У гасцях — Даша і Наста, якія клічуць адна адну жонкамі.
Другі выпуск «Святога нічога» – гэта размова пра школу. Гутарым пра ўрокі духоўнасці, загадкавыя кантрацэптывы і лабковых вошай, настаўніц-крашых, сталоўку як сэйф-спэйс і піянерскі гальштук як інструмент збліжэння. Не абмінулі таксама балючыя тэмы падлеткавай адзіноты і булінгу.
Вядучая — журналістка Маша Пархімчык. У гасцях — квір-актывістка, экафеміністка Аліна і квір-актывіст Гоша. Рабяты скончылі школу 6-7 гадоў таму, Маша — у 2003-м.
Пілотны выпуск «Святога нічога» прысвечаны кантэнту, на якім мы раслі. Крынж-серыялы, шок-відэа MTV, Паца-Ваца і «залатыя» парады псіхалагіні на першым моладзевым шоу незалежнай Беларусі. Параўнаем, што і як спажывалі розныя пакаленні.
Вядучая — журналістка Маша Пархімчык. У гасцях — мастачка-дызайнерка Даша @sheeborshee і creative lead Карына @mama_kozz. Маша і Даша — міленіялкі, Карына — зумерка.